! ! 15 s. >> http://lsg-esperanto.org ! !

Kiuj ni estas

Faka asocio kunlaboranta kun UEA

LSG estas organizo en la Esperanto-movado por gejaj*, biseksualaj kaj transseksualaj geviroj. Laŭ sia statuto, LSG havas jenajn celojn:

1. Krei internacian solidarecon kaj kunlaboron inter siaj membroj, tiel ankaŭ subtenante ilian agadon por la disvastigo de Esperanto kaj por la plena integriĝo de gejeco en la socio.
2. Labori por forigo de lingva diskriminacio, informante pri la lingvo-problemo kaj ĝia solvo per Esperanto en gejaj medioj.
3. Labori por forigo de kontraŭgeja diskriminacio, informante pri la signifo, valoro kaj problemoj de gejeco en la Esperantaj medioj.

La ligo eldonas kaj dissendas la bultenon Forumo (troveblas ankaŭ rete) ĉiun trian monaton, kaj ĉiujaran liston de gastigantoj kiuj pretas helpi vojaĝantajn anojn.

*) gej- = samseksam- (el la angla "gay")